Në kuadër të një fushate për ndërgjegjësimin mbi bulizimin, përfaqësues të LGBTI-së kanë zhvilluar takime me gjimnazistë të Tiranës. Por, kjo gjë ka shkaktuar një revoltë të madhe tek njerëz të ndryshëm. Të cilët thonë se “promovimi i homoseksualitetit” është i pavend për tu bërë në gjimnazet e Shqipërisë.
Në debat kanë hyrë emra të njohur artistësh, politikanësh, figura të ndryshme publike, përfaqësues të shoqërisë civile. Të ndarë në dy krahë, debati i ka përfshirë të gjithë.
Edhe pse më pasiv në ekrane, po ashtu qytetarët e thjeshtë, janë pjesë e diskutimit. Tirana Today pyeti kryeqytetasit se cili është qëndrimi i tyre dhe çfarë do të bënin nëse fëmija i tyre do të ishte gay apo lesbike.
“O Zot larg!”, – është një prej komenteve të qytetarëve. Ndërkohë, më të pakët janë ata të cilët thonë se nuk e kanë problem, për sa kohë ata janë të lumtur. Tirana Today
