Gjatë mbrëmjes së sotme banorët e Astirit dolën përsëri në protestë. Duke qenë kjo dita e 18 e bllokimit të rrugës prej tyre. Aksi tek Unaza e Re që lidh Pallatin me Shigjeta dhe sheshin “Shqiponja” prej ditësh është kthyer në një problematikë për automjetet, të cilat gjatë orëve të protestës qëndrojnë të bllokuara.
Por, ditën e sotme në trafik qëndruan për më shumë se 30 minuta edhe dy ambulanca të cilat ishin drejtuar për në Urgjencë.
Në videon e sjellë në redaksinë e Tirana Today, shihet sa të vështirë e kanë ambulancat të kalojnë, pavarësisht se kanë sirenat e ndezura.
Ndërkohë banorët shprehen të vendosur për t’i vijuar protestat deri në arritjen e kërkesave të tyre.
” I bëj thirrje Edi Ramës, shporru.”
” I bëj thirrje të gjithë popullit shqiptar që të ngrihen se kjo është një kauzë për gjithë Shqipërinë që po ik drejt humnerës. Po ikin njerëzit jashtë. U bëj thirrje të gjithë Ambasadave. O kryefaqezi, pronën do ta mbrojmë me gjak, me jetë!
Ti do të më vrasësh mua, pas meje do të vish dhe ti. Do të vdes për pronën time. Vetëm mashtrime ke bërë me këtë popull, por nuk na shtyp dot,”- janë këto disa prej thirrjeve të protestuesve. TIRANA TODAY
