Një ngjarje e rëndë është regjistruar sot në Kinë, teksa një autobus shkolle ka humbur kontrollin dhe ka rënë në liqen.
Sipas Daily Mail, të paktën 21 nxënës kanë humbur jetën si pasojë e këtij aksidenti. Ngjarja është shënuar në qytetin Anshun të Kinës. Autoritetet kanë konfirmuar se 15 nxënës të tjerë kanë përfunduar në spital si pasojë e plagëve të marra.
Pasagjerët ishin nxënës të shkollës së mesme, të cilët do të kryenin provimin për t’u futur në universitet. Ende nuk janë zbuluar shkaqet e aksidentit, ndërsa autoritetet po punojnë për zbardhjen e tyre.
Thellësia e liqenit në zonën ku ra autobusi përllogaritet të jetë rreth 10 metra.
