E shtunë, 23 Janar, 2021
9 C
Tirana

“Nuk jam monstra që më bën ajo të dukem”, Johnny Depp dhe Amber Heard përballen në gjyq

Ylli i Hollivudit Johnny Depp mohoi se ka dhunuar ish-gruan e tij Amber Heard, ndërsa tha të kundërtën se kishte qenë ajo e cila e kishte dhunuar, gjatë ditës së parë të përballjes së tyre në Gjykatën e Lartë.

Aktori i “Pirates of the Caribbean”, 57 vjeç, akuzoi ish-partneren Heard, 38 vjeç, se e ka qëlluar vazhdimisht në fytyrë dhe i ka prerë gishtin duke e goditur me një shishe vodka.

Ylli i Hollivudit i quajti akuzat “të sëmura” dhe “plotësisht të pavërteta”.

Depp tha se ai nuk beson se ka një personalitet mbizotërues, manipulues ose kontrollues, përkundrazi, sipas tij, Heard kishte një “nevojë obsesive” për ta kontrolluar atë: “Nuk jam monstra që më bën ajo të dukem”.

Në një nga deklaratat e tij aktori tha se “incidentet e dhunshme të mbushura me tërbim gjatë fluturimeve ishin të zakonshme me Amber”.

Depp përmendi rastin kur dyshja ishte në një fluturim me avion privat në fund të vitit 2014 ose në fillim të 2015-s, kur Heard u bë agresive verbalisht.

“Pastaj ajo u bë e dhunshme fizikisht dhe më godiste vazhdimisht në fytyrë. Ndërsa u zhvendosa drejt fundit të avionit për t’u larguar prej saj, ajo më ndoqi në dhomën e gjumit dhe më goditi përsëri në fytyrë dhe kokë. E shtyva larg meje, në shtrat. Pastaj kapa një jastëk dhe u mbylla në banjë, ku fjeta gjithë fluturimin”, shkroi ai në deklaratën e tij.

Avokatët e Depp publikuan një foto të aktorit i cili shfaqet i shtrirë pas sulmit të Amber Heard.

Depp ka paditur edhe gazetën “The Sun” pasi e quajti atë një burrë “që rreh femra”, në një artikull në prill 2018.

Në fjalën e tij të hapjes sot, avokati i tij David Sherborne tha se një nga çështjet që gjykata duhet të vendosë është “nëse pretendimet e publikuara nga të pandehurit janë të vërteta”, shkruan “iconstyle”.

“Nëse konstaton se ato janë të pavërteta, siç themi se janë, atëherë gjykata do të procedojë për të dhënë një dëmshpërblim”, tha ai.

“Nuk është fjala për paratë. Bëhet fjalë për shfajësim. Z. Depp e ka bërë të qartë në seanca të ndryshme. Kjo është arsyeja pse ai ka ardhur këtu – për të pastruar reputacionin e tij”.

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...