Goditet trafiku i drogës ndërmjet Sicilisë dhe Shqipërisë. Operacioni i ashtuquajtur “Trëndafili i erërave” i kryer nga policia e Catanias, solli arrestimin e më shumë se 20 personave nga të cilët tre shqiptarë. Grupi i shqiptarëve ishte i formuar nga Moisi Habilaj, 39 vjeç, organizatori kryesor i trafikut dhe bashkëpunëtorët e tij Maridian Sulaj, 29 vjeç, dhe Fatmir Minaj. Për këta të arrestuar do të kërkohet ekstradim.
Në paraburgim janë dhe italianët; Antonino Riela, 46 vjeç, pikë referimi për shumë klane etnike të mafies dhe furnizimin e narkotikëve, Vincenzo Spampinato, 44 vjeç, ish i burgosur dhe Gianluca Passavanti, 37 vjeç; Angela Busacca, 37 vjeç.
Të arrestuarit të cilët janë kapur midis Vittoria dhe Modica në Ragusano, si dhe në Palagoni dhe në rrethin e San Giorgio në Catania, në mëngjesin e së shtunës së 14 tetorit, ndodhen në burgun Catanese në Bicocca dhe në burgun e Piazza Lanza. Të arrestuarit bënin pjesë në një organizate kriminale italiano-shqiptare të trafikut ndërkombëtar të drogës dhe armëve. Organizata ka arritur të transportojë mbi 3,500 kilogram marijuanë përmes bregdetit shqiptar.
Në maj të vitit 2015 ishte kapur një anije peshkimi që vinte nga bregdeti shqiptar, me rreth 900 kilogram marijuanë, 2 pushkë Kallashnikov dhe qindra municione. U arrestuan 7 persona (4 italianë dhe 3 shqiptarë) si dhe u sekuestruan rreth 20,000 euro para të gatshme.
Arrestimi i tre shqiptarëve dhe italianëve erdhi si pasojë e teknikave të ndërlikuara telefonike dhe përgjimeve të mjedisit për të cilat u pa e nevojshme të përdorej edhe terreni edhe deti.
