Deri tani shumëkush mund të ketë pasur dyshime për ekzistencën e UFO-ve (Objekte Fluturuese të Paidentifikueshme). Por filmimi i fundit, që vjen nga Australia, më saktë nga policia australiane, mund të kthejë përmbys shumë koncepte. Në fakt ka qenë një stuhi me rrufe që ndriçonin qiellin ajo që ka mundësuar pamjet e pabesueshme të një objekti fluturues në formë disku, që duket sikur zotëron energji.
Policia e Australisë Perëndimore nuk mund të jepte një përshkrim përfundimtar për përmbajtjen e pamjeve filmike, por fakti është se ato u regjistruan gjatë një stuhie që shpërtheu mbi një plazh në qytetin Broome të shtunën në mbrëmje (16 shkurt 2019).
After reviewing CCTV at town beach of last nights storm, it appears we were not alone ????? pic.twitter.com/Efh6SuPX7S
— Broome Police (@BroomePol) February 17, 2019
Në videon që është parë nga miliona njerëz në internet, shihet se si janë rrufetë ato që bëjnë të dukshëm objektin misterioz, të pozicionuar në këndin e majtë të ekranit.
UFO shihet teksa rri pezull për disa çaste para se të zhduket nga ekrani.
Shumë njerëz vazhdojnë të mos besojnë në realitetin e ekzistencës së UFO-ve, porse kjo video si dhe fakti që ishin rrufetë ato që bënë dallimin e objektit në errësirë, mund të ndryshojë shumë në konceptin e besimit njerëzor.
Përktheu dhe përshtati: TIRANA TODAY
