Veç armëve, një luftë zhvillohet edhe përmes simboleve. Për koreano-veriorët, një simbol i tillë ishte një pemë plepi në kufirin midis dy Koreve, pikërisht në mes të zonës së demilitarizuar. Koreano-veriorët, pretendonin se plepi ishte mbjellë në fund të luftës nga vetë udhëheqësi Kim Il-Sung, dhe “po rritej nën mbikëqyrjen e tij”.
Por plepi ishte shndërruar në një problem për Korenë e Jugut, pasi i pengonte fushëpamjen forcave kufitare, në një zonë shumë delikate. Pa vënë në dijeni palën kundërshtare, disa ushtarë koreano-jugorë, të shoqëruar nga disa ushtarakë amerikane u nisën mëngjesin e 18 gushtit 1976 që ta presin atë pemë.
Sapo nisën punën, u paralajmëruan dy herë nga autoritetet koreano-veriore. Por drejtuesi amerikan i operacionit, u tha të vazhdonin punën. Atëherë koreano-veriorët, hapën zjarr duke vrarë 2 persona dhe plagosur 9 të tjerë. Incidenti zemëroi Uashingtonin, që për disa ditë peshoi mundësinë e një sulmi ajror mbi vendin komunist.
Por në fund presidenti Ford, synoi të tregojë një shfaqje force. Të shoqëruar nga më shumë trupa, nga toka dhe ajri, amerikanët shkuan sërish dhe e shkurtuan plepin problematik, duke shmangur kështu nisjen e një lufte të re mes dy Koreve. Një konflikt, të cilit SHBA-ja i druhej, për shkak të shijes së hidhur, që i kishte lënë lufta e sapo përfunduar në Vietnam./ Tirana Today
