Sot, Shqipëria feston 108-vjetorin e shpalljes së pavarësisë.
Kjo ditë e shënuar, ka bërë që të gjithë liderët politikë të shkojnë në qytetin e Vlorës, aty ku dhe është ngritur flamuri kuqezi nga Ismail Qemali në vitin 1912.
Më kurora me lule në duar, të gjithë rresht shkojnë në sheshin e flamurit për të kryer ritet tradicionale. I pari që u prin është Presidenti i Republikës, Ilir Meta, veshur me një pallto teksa mban dhe një maskë të bardhë.
Ndërsa, kryeministri Edi Rama ka veshur një kostum ngjyrë blu dhe mban maskë të kuqe.
Rama në një prononcim të shkurtër për gazetarët, tha se i uron festën Hashim Tahçit dhe gjithë luftëtarve të tjerë të UÇK-së që nuk janë në Shqipëri.
Për shkak të pandemisë, sot ndryshe nga çdo vit tjetër, nuk do të valëvitet flamuri kuqezi në sheshe e makina si dhe nuk do të ketë grumbullime të rinjsh e festime masive.
