Ushtarë nga e gjithë bota urojnë Shqipërinë për ditën e pavarësisë (Video)

Ushtarë nga e gjithë bota, aty ku edhe Shqipëria ka zgjedhur të dërgojë misionin e saj, kanë uruar vendin tonë për 28-nëntorin, ditën e Pavarësisë.

Videoja emocionuese, e publikuar nga Ministria e Mbrojtjes, Olta Xhaçka, tregon se si heronjtë me uniformë, në SHBA, Gjermani, Francë, SHBA, Itali, Afrikë, Afganistan, urojnë vendin tonë edhe në gjuhën shqipe

“Gëzuar pavarësinë Shqipëri,”, janë disa fjalët e tyre dhe në shumë raste jo të shqiptuara mirë.

Ndërkohë, ministrja shkruan: “108 vite pas shpalljes së pavarësisë, flamuri ynë 🇦🇱 valëvitet në çdo cep të botës përmes heronjve tanë nën uniformë, të cilët qëndrojnë krenarë krah përfaqësuesve të vendeve aleate, në çdo mision të NATO, BE & OKB”.

Pas shpalljes së Pavarësisë, më 28 nëntor 1912 u formuan edhe organet shtetërore, Pleqësia dhe Qeveria e dalë nga Kuvendi i Vlorës. U ngritën forcat e armatosura dhe ato të rendit dhe nisi puna për konsolidimin e arsimit, shëndetësisë, administratës, etj. Qeveria e Vlorës vuri gurët e parë për krijimin e një sistemi gjyqësor sipas modeleve evropiane. Gjuha shqipe u shpall si gjuhë zyrtare dhe u vendos hapja e shkollave shqipe prej vjeshtës 1914.

Qeveria e Vlorës, 1912

Ismail Qemali, kryetar i Qeverisë dhe ministër i Punëve të Jashtme.

Dom Nikoll Kacërri, Zv.Kryeministër

Mufid Bej Libohova, Ministër për Punët e Brendshme

Abdi bej Toptani, Ministër për Financat

Mehmet Pashë Deralla, Ministër për Luftën (Mbrojtjen)

Petro Poga, Ministër për Drejtësinë

Luigj Gurakuqi, Ministër për Arsimin

Mit’hat bej Frashëri, Ministër për Punët Botore

Pandeli Cale, Ministër për Bujqësinë

Lef Nosi, Ministër i Post-Telegrafit.