Kryetari i Kuvendit, Gramoz Ruçi i ka drejtuar një letër Komisionit të Venecias, ku i kërkon opinion për 8 çështje që lidhen me vettingun në politikë. Në letrën drejtuar Presidentit, Giani Buquichio, Ruçi kërkon opinion për qëllimin e vettingut në politikë dhe e pyet komisionin për nëse qëllimi është legjitim.
Gjithashtu, kryetari i Kuvendit kërkon opinion nga Komisioni i Venecias edhe për një pikë të rëndësishme të debatit që ngrihet mbi pozicionim e demokratëve, nëse vettingu në politikë afekton punën e strukturës së posaçme antikorrupsion dhe Byrosë Kombëtare të Hetimit. Pikërisht për këtë letër, opozita ngriti shqetësimin sot në Këshillin e Legjislacionit, i cili u mblodh për të diskutuar për Vettingun.
Opozita ishte kundër kësaj iniciative të socialistëve me argumentin se Venecia është shprehur për një nisëm të ngjashme siç është vettingu në gjyqësor ndaj theksojnë ata, kjo do e vononte procesin. Në mbledhjen e dytë të Këshillit Legjislativ, që u mbajt paraditen e 3 tetorit, Oerd Bylykbashi, vuri në pikëpyetje shkresën e Kuvendit.
