Kryetari i Gjykatës së Apelit të Shkodrës, Fuat Vjerdha ka dalë sot para Komisionit të Pavarur të Kualifikimit.
Hetimi mbi Vjerdhën është bërë në bazë të tre kritereve, të pasurisë, pastërtisë së figurës dhe aftësive profesionale.
KPK, pasi kreu hetimin për pasurinë, konstatoi se nuk ka problematika me burimin e ligjshëm të tyre, pasi rrjedh nga trashëgimia. Nga ana tjetër janë konstatuar disa mospërputhje për sipërfaqet e pasurive, për të cilat gjyqtari ka dhënë shpjegime.
Kontrolli i pasurisë konstaton në: Dy apartamente 87 mijë e 500 euro. Një garazh me vlerë 10 mijë euro. Njësi tregtare 61 mikë e 500 euro. Makinë blerë në 2014, për 219 mijë lekë. Të gjitha pasuritë e mësipërme, me vendndodhje në Shkodër, janë trashëguar nga nëna e subjektit, si bashkëpronare e truallit ku është ndërtuar pallati.
Ndërkohë, DSIK, ka dorëzuar një raport me konstatimin se është i përshtatshëm për vazhdimin e detyrës. Nuk ka lidhje me krimin.
Fuat Vjerdha e ka nisur karrierën në sistemin gjyqësor në vitin 1994. Për më shumë se një dekadë, ai ka punuar si gjyqtar në Gjykatën e Shkodrës, ndërsa në prill të vitit 2005 është emëruar anëtar i Gjykatës së Apelit Shkodër.
