Vëllai i Ndrea Prendit është gjetur i vdekur në banesën e tij, në Reps të Mirditës. Banesa në të cilin jetonte Nikoll Prendi, është përfshirë nga flakët.
Komshinjtë dhe kryetari i fshatit, Simon Kola, ka ndërhyrë menjëherë kur kanë parë flakët që kanë përfshirë shtëpinë e Prendit. Ndonëse janë përpjekur të hapin dyert për ta shpëtuar Prendin, për fat të keq nuk ia kanë dalë dot mbanë.
Në momentin që kanë mbërritur shërbimet e Posaçme, 60-vjeçari Prendi është nxjerrë i pajetë nga banesa. Ende nuk dihen shkaqet e ngjarjes, ndërkohë që paraprakisht raportohet se Prendi i ka vënë flakën banesës, për tu vetëflijuar.
Nikoll Prendi ishte i divorcuar dhe jetonte i vetëm në këtë banesë. Shkaqet që mund ta kenë çuar drejt këtij akti fatal, nuk dihen ende.
