Vëllai i Zhaneta Josifit, Selman Fejzo, për “News24”, ka treguar detaje nga takimet me motrën dhe mbesat e tij.
Ai pohoi se mbesën e tij të ndjerë, Anisa, nuk e kishte takuar që prej 2 vitesh:
“Anisa nuk dilte sa herë shkonim në shtëpi. Na thoshin ‘Anisa është në shtëpi, po lexon e po fle’.
Nuk na shkonte kurrë mendja që do ndodhte kjo gjë. Prej kohësh nuk po kontaktoja dot me motrën. U detyrova të shkoja në Polici.
Motra me vajzën iu përgjigjën thirrjeve të Policisë. Motra dhe Blerta i thanë Policisë ‘jemi në shtëpi’. Policia na tha se motra me vajzat ishin mirë. Anisën ka rreth 2 vjet pa e takuar.
Në shtëpi nuk kemi ndjerë kurrë erë të rëndë. Nuk e kuptojmë arsyen e këtij akti ekstrem.
Nuk kam informacion në cilin sekt fetar ishin përfshirë. Vajzat ishin me shkollë të lartë, vetëm e ëma punonte”.
