Ambasada Amerikane në Tiranë bën të ditur se USAID ka dërguar dje në Shqipëri inxhinierë strukturash nga Departamentet Zjarrfikëse të konteve Fairfax dhe Los Angeles.
Përmes një postimi në Facebook, ambasada thotë se këta zjarrfikës do të ndihmojnë në vlerësimin e dëmeve në godinat dhe infrastrukturat e dëmtuara nga tërmeti. Sipas tyre, ekipi do të ndihmojë në përcaktimin e shtëpive, shkollave dhe ndërtesave të tjera që janë të sigurta.
Postimi i plotë:
USAID ka dërguar dje inxhinierë strukturash nga Departamentet Zjarrfikëse të konteve Fairfax dhe Los Angeles, të cilët do të ndihmojnë në vlerësimin e dëmeve në godina dhe infrastruktura, si pjesë e mbështetjes së qeverisë së Shteteve të Bashkuara për rimëkëmbjen nga tërmeti. Ky ekip do të ndihmojë në përcaktimin e shtëpive, shkollave dhe ndërtesave të tjera që janë të sigurta për rikthimin e njerëzve. #ShbaQendronKrahShqiperise
