Një tjetër shpërthim me tritol është shënuar sot në Tiranë, pranë digës së liqenit.
Një automjeti i është vënë rreth 200 gramë tritol. Konkretisht, tritoli i është vënë automjetit tip Volkswagen me targa AA946EF, i cili ishte parkuar në një rrugë dytësore pranë një fabrike inertesh.
Mësohet se automjeti i përket shtetasit Ndok Rajta, 42 vjeç, pronar i kësaj firme inertesh, i cili mësohet se e parkonte gjithnjë automjetin në të njëjtin vend.
Fatmirësisht, nga shpërthimi nuk ka persona të lënduar, por vetëm dëme materiale, siç duket edhe në foto. Mendohet se vendosja e tritolit mund të ketë qenë një paralajmërim, siç ndodh rëndom në të tilla raste.
Policia ka nisur hetimet për zbardhjen e plotë të saj, ndërsa pronari i mjetit po merret në pyetje për të hedhur kështu më shumë dritë rreth ngjarjes.
Shpërthimi ka qenë mjaft i fortë, duke shkaktuar terror te banorët përreth.
