Kreu i Forumit Rinor të Partisë Demokratike, Belind Këlliçi ka publikuar disa fotografi të atyre që ai i quan policë civilë të infiltruar në protestën e sotme të opozitës. Teksa thotë se ishin pa mjet identifikimi, Këlliçi shkruan se policët vepruan me kodin e familjes mafioze.
“Këta janë civilet e bandës se Edi Rames qe përndjekin te rinjtë dhe qytetaret qe protestojnë. Pa asnjë shenje identifikuese por me kodin e familjes mafioze te rilindjes dhunojnë, ndalojnë dhe çojnë neper komisariate a bodrume bashkish te rinjtë që janë kundër padrinos.
Po te kishte prokurori te pa kapur, sot kapobanda dhe tufa e banditëve te tij do ishin para drejtësisë. Por meqenëse prokuroria eshte bere njësh me familjen mafioze te rilindjes, atëherë i lind e drejta qytetareve t’u japë atë që meritojnë banditëve”, shkruan ai.
