Një video e publikuar në platformën Youtube nga NATO në lidhje me ndërhyrjen në Kosovë ka sjellë reagime nga ana e serbëve.
Në videon në fjalë flitet për misionin e kësaj aleance në Kosovë në vitin 1999. Por mediat serbe duket se janë habitur nga kjo gjë, duke hedhur kështu spekulime politike.
Mediat e Beogradit komentojnë një fragment të videos në të cilën shfaqet zv.ndihmësi i sekretarit të përgjithshëm të NATO-s, Jonathan Perish, i cili thotë se:
“Konflikti në Kosovë shkaktoi krizë humanitare, e cila ishte shndërruar në kërcënim për stabilitetin e rajonit, dhe për këtë shkak ndërhyrja ishte e domosdoshme”.
Ndërkohë gazetari i Rusia Today, Nebojsha Miliq shprehet se ‘zgjidhja paqësore’ që e kishte propozuar Aleanca, në fakt ishte ultimatum për të cilin dihej se do të refuzohej
“Ajo që NATO dëshiron ta bind opinionin është se nuk kishte zgjidhje tjetër pos të ndërhyjë, meqë shqiptarët e Kosovës po përballeshin me spastrimin etnik që po e zbatonte presidenti i atëhershëm i RFJ-së Sllobodan Millosheviqi i cili ishte i painteresuar për zgjidhje paqësore”, tha ai.
