Komisioni i Venecias ka miratuar raportin përfundimtar mbi Presidentin e Republikës, Ilir Meta.
Meta vendosi që në mbledhje të dërgonte 3 këshilltarët e tij Bledar Dervishaj, Arben Cici dhe Ilda Zhulali. Pjesë e mbledhjes ishte edhe kreu i grupit parlamentar të PS-së, Taulant Balla, si përfaqësues i kësaj partie.
Kujtojmë se më herët kreu i shtetit i dërgoi një letër presidentit të Komisionit të Venecias Giani Buquiçhio të reflektojnë mbi projekt-opinionin, pasi nuk ishte i një konkluzion i bazuar dhe se kjo nuk do t’i shërbente situatës politike, për zgjidhjen e krizës.
Balla ka deklaruar se Presidenti Meta nuk ka bërë asnjë përpjekje për dialog duke shtuar se ai shkeli të drejtën themelore për t’u zgjedhur.
“Draft-opinioni është i plotë dhe analiza është shumë profesionale. Kam disa propozime për amendimin e raportit. Presidenti i Republikës nuk ka bërë asnjë përpjekje për dialog mes partive. Shkeli të drejtën themelore të drejtën për t’u zgjedhur”, tha ai.
