Instituti i Shëndetit Publik ka sqaruar opinionin publik, në lidhje me 3 mitet e përhapura për koronavirusin.
Përmes disa fotove të shpërndara në Facebook, ISHP thekson se vendosja e maskës nuk të mbron nga koronavirusi, por ruajtja e higjienës po. ISHP thotë se vendosja e maskave është efektive për individët që shfaqin simptoma.
Një mit tjetër është se në situatë paniku nga koronavirusi, racizmi dhe ksenofobia janë normale në situata të tilla. ISHP sqaron se nuk ka justifikim për diskriminimin racial apo paragjykimet.
Ndërsa sa i përket shmangies së konsumimit të ushqimeve kineze apo marrjes së pakove nga Kina, ISHP njofton se OBSH nuk ka dhënë asnjë njoftim të tillë.
