Regjisori Rober Budina ka reaguar në lidhje me vendimin e Gjykatës Kushtuese, për pezullimin e ndërtimit të Teatrit të ri Kombëtar, si dhe shfuqizmin e ligjit special për kalimin e pronësisë së trualit, Bashkisë Tiranë.
Budina deklaroi se organet e drejtësisë kanë filluar të funksionojnë dhe ky është një precedent i fortë që ky vend mund të bëhet, teksa e cilësoi si një dhuratë për artistët, vendimin e Kushtetueses. Deklarata e tij, u bë ditën e sotme në një intervistë për FAX News.
Sipas tij, në proçedurat e deri në shembjen e Teatrit Kombëtar janë të përfshirë mbi 250 persona të cilët do të japin llogari. Budina falenderoi anëtarët e Gjykatës Kushtetuese, dhe tha se u habit kur pa vendimin, teksa pranoi se edhe nuk i ndalonin lotët nga gëzimi.
Robert Budina: ”Organet e drejtësisë kanë filluar të funsionojnë, njerëzit kanë një precedent të fortë që Shqipëria mund të bëhet, akoma se besoj që ka ndodhur dhe është një dhuratë e madhe për ne. Është një fitore e qytetarisë dhe kjo betejë politike do të vijojë sepse është një fitore e madhe për të gjithë shqiptarët dhe e juristët që përgatitën dokumentet dhe e cuan deri në fund. Ne do kërkojme rikthimin e teatrit, janë mbi 250 veta të përfshirë të cilët do të japin llogari, për t’i rikthyer shqiptarëve atë dëm dhe masakër që u shkaktua, për të kthyer atë trashëgëmi të jashtëzakonshme dhe gjithë përpjekjet tona duhet të finalizohen me rikthimin e teatrit.
Falënderoj anëtarët e Gjykatës Kushtetuese, jam i habitur , pak më parë qava dhe nuk më ndalonin dot lotët sepse nuk e besoja pasi i kisha humbur të gjitha shpresat , nuk e di nga erdhi kjo dhuratë. Të rikthejmë vendin ku konkurron vlera, ku respektohet trashëgëmia, dhe ku respektojmë njëri tjetrin. Nuk jemi as pjesë e opozitës as me presidentin, e fituam pa asnjë mjet politik, nuk ka fitore më të madhe se ky vendim i jashtzakonshëm dhe një urim shkon për lojëtarët kryesorë dhe këdo që ka kontribuar në këtë çështje.”
