Pas miratimit të Paketës Anti-KÇK, qeveria ka miratuar një tjetër vendim të rëndësishëm, zonat ku do të ndërtohet në Tiranë për të gjitha ata që humbën shtëpitë gjatë tërmetit të 26 nëntorit.
Lajmi është bërë i ditur nga ministri i Rindërtimit, Arben Ahmetaj në një deklaratë për mediat.
“Kemi miratuar për shpalljen e zonës së re për zhvillim në Shijak, në Kurbin, Laç, jemi duke folur për një zonë tjetër që do ndërtohet nga Turqia, njësia tjetër ne Thumanë, Krujë. Në Krujë 2 zona, Bubq që ka një dëmtim të një madhësie te madhe në territor e Fushë Krujë, në Durrës, shpalljen e një zone.
Në Vorë një zonë, në Kavajë një zonë në qytet.
Në Tiranë kemi miratuar 9 zona të reja për zhvillim, nga “5 maji”, zona e Autotraktorëve, zona e Kombinatit, në njësinë 11 Universiteti Bujqësor i Tiranës, në Baldushk, zonë e re në Ndroq, zonë e re në Vaqarr dhe në Zall Herr.
Këto dy muaj qeveria ka bërë nga A e procedurave ligjore deri te shpallja e zonave që citova më lart. S’bëhet fjala për të ndërtuar shkel e shko, por mbi bazën e procedurave, ligjit, e standardeve bashkëkohore, duke përfshirë ato antisizmike. Sot firmoset kontrata për hartimin e modeleve dhe në 6 shkurt do kemi modelet. Ju lutem aplikoni sa më shpejt”, tha Ahmetaj.
