Ministria e Shëndetësisë ka marrë vendimin e papritur, ku është caktuar nga ekspertët se nga 1 dhjetori shumica e shkollave do jenë online. Për të minimizuar risqet, nga 1 dhjetori do aplikohen skenarët e mësimit të alternuar.
Përpos universiteteve, është kërkuar që edhe në shkollat fillore dhe të mesme të nis mësimi online. Ministria e Shëndetësisë thekson se pas rekomandimeve të Komitetit Teknik të Ekspertëve, i është rekomanduar më pas Ministrisë së Arsimit që mësimi në shkolla të bëhet i alternuar.
“Ashtu si e kemi përsëritur, shëndeti juaj dhe i fëmijëve është i pari. Deri tani fëmijët nuk vlerësohen të jenë transmetues të lartë të infeksionit.
Protokollet në shkolla janë zbatuar, por për të minimizuar risqet ku të pranishme janë edhe infeksionet e tjera respiratore, pas rekomandimit të Komitetit të Ekspertëve, kemi vendosur që ti rekomandojmë Ministrisë së Arsimit që prej datës 1 dhjetor të aplikojmë skenarët me mësim të alternuar, klasike, fizike dhe të kombinuar me mësim online. Bazuar në specifikat e situatës lokale të epidemisë”, tha Manastirliu.
