Komiteti Teknik i Ekspertëve, në një deklaratë për mediat, kanë ripërsëritur rregullat ndaj parandalimit të pandemisë.
Drejtoresha e ISHP-së, Albana Fico, tha se situata është në nivel risku të shtuar. Ajo deklaroi se kjo situatë kërkon bashkëpunim nga qytetarët që të respektojnë distancën, të mbajnë maskën dhe të kenë një kujdes të shtuar për higjenën.
Duke parë vlerësimin dinamik të situatës, është marrë vendimi që studentët në universitete të vijojnë mësimin online. Mësimi në universitete do të vijojë online, deri në një moment të dytë.
Shefi i Urgjencës Kombëtare, Skënder Brataj, ka bërë me dije se kryhen rreth 423 vizita në shtëpi, ku 46% e tyre përfundojnë në spital.
“Vazhdon numri i vizitave në banesë 423 në 24 orëve të fundit, janë rreth 46% e tyre që përfundojnë në spital. Pacientët që shërohen, shoqërohen me ambulancë. Nuk ka nevojë që të gjejnë mjete transporti”, tha Brataj.
