Ministrja e Arsimit, Evis Kushi, ka zbuluar datën se kur do të nisë shkolla pas pushimeve të festave të fundvitit. Pas përfundimit të pushimeve të Krishtlindjeve dhe Vitit të ri, ministrja Evis Kushi ka bërë të ditur se mësimi do të fillojë më 11 janar, dhe jo në 4 siç parashikon urdhri i mëparshëm.
Evis Kushi e cila mori pjesë në vizitën e kryeministrit të Maqedonisë së Veriut, Zoran Zaev në bashkinë e Pustecit, dha lajmin se pas pushimeve të fundvitit, shkolla do të rifillojë në datën 11 janar.
“Në bashkëpunim me Komitetin e Ekspertëve, kemi vendosur që pas pushimeve të fundvitit shkolla të nisë në datën 11 janar dhe jo në 4, siç parashikonte urdhri i mëparshëm”, tha Kushi.
Ndërsa në shkolla, procesi mësimor vijon i alternuar, në shkollë dhe online. Ky vendim ka hyrë në fuqi më datën 1 dhjetor. Ndërsa studentët zhvillojnë online procesin mësimor.
