Të shtëna me armë zjarri janë regjistruar mbrëmjen e sotme në Elbasan, ku raportohet se një person i identifikuar si Everest Çeka është ekzekutuar brenda në automjetin e tij tip ”Opel”.
Mësohet se ngjarja ka ndodhur në lagjën “Skënderbe”, dhe brenda në automjet me viktimën ndodhej edhe bashkëshortja e tij Silvana Caka, e cila është transportuar për në spital pasi është plagosur në dorë.
“Rreth orës 20:10, në lagjen “Skënderbe”, Elbasan, në rrethana ende të paqarta është vrarë me armë zjarri në mjet shtetasi E.Ç, rreth 41 vjeç si dhe është plagosur në dorë bashkëshortja e tij shtetasja S.Ç., jashtë rrezikut për jetën”, informon policia.
Shërbimet e Policisë kanë shkuar menjëherë në vendngjarje dhe kanë
rrethuar zonën. Janë ngritur pika konrolli në hyrje-daljet në qytetin e Elbasanit dhe vijon kontrolli i zonës.
Grupi hetimor nën drejtimin e Prokurorisë ndodhet në vendngjarje dhe vijon puna për zbardhjen e plotë të shkakut dhe rrethanave të ngjarjes si dhe identifikimin e kapjen e autorit/ve.
Në ditët e fundit, Shqipëria është tronditur nga ngjarjet kriminale, pasi një 40-vjeçar u ekzekutua dy ditë më parë me breshëri automatiku në mes të ditës në Vlorë, ndërkohë një 27-vjeçar humbi jetën mbrëmjen e djeshme, pasi u vra me armë nga shoku i tij.
