Kreu i grupit parlamentar të PS, Taulant Balla i bën thirrje qytetarëve që ta injorojnë politikën e ish-kryeministrit Sali Berisha dhe kreut të PD-së, Lulzim Basha.
Përmes një postimi në Facebook, Balla shprehet se ata po përdorin situatën e krijuar nga koronavirusi për të përhapur panik dhe për të krijuar rrëmujë.
Ai theksoi se policia do vijojë me kontrollet, për të ndaluar qarkullimin e makinave të paautorizuara deri në fund të fundjavës.
Kujtojmë se pak ditë më parë, deputetët e PS kallëzuan penalisht Berishën për përhapjen e informacioneve të rreme.
Postimi i plotë:
Këtë lloj politike me në krye SB dhe LB duhet thjeshtë ta injoroni. Politikë me maskat, politikë me mesazhet, politikë me gjithçka deri edhe me jetët e njerëzve. Politikanë të pashpresë, “ushtarë” të dëshpëruar të së keqes, të gatshëm të përdorin edhe një pandemi si koronavirusi, për të shpërndarë panik, nxitur ankth, kërkuar rrëmujë, apo demoralizuar mjekët dhe infermieret. Të ankohesh se pse duhen njoftuar me çdo mënyrë qytetarët për të zbatuar rregullat bazë sanitarë në këtë kohë emergjence, vetëm këta soj mund ta bëjnë (shiko videon çfarë janë në gjendje të bëjnë këta).
Kthehemi tek çështjet e rëndësishme.
DITE E PARË NË MBROJTJE TË VETES, FAMILJES
POLICIA E SHTETIT VIJON TË SIGUROJË REGJIMIN E MOSQARKULLIMIT SË BASHKU ME FORCAT E ARMATOSURA
FRIKË, KUJDES
