Pak më herët, kryeministri Rama njoftoi me anë të rrjeteve sociale se prej orëve të para të mëngjesit është intensifikuar puna për shuarjen e zjarreve, në vatrat aktive të mbetura në të gjithë territorin e vendit. Në mbështetje të forcave tona operacionale është edhe një helikopter me kapacitet të madh ujëhedhës, i ardhur nga Holanda.
Situata e zjarreve në vendin tonë mbetet ende problematike në shuarjen e flakëve, që janë shtrirë nga veriu në jug.
Ardi Veliu, Tonin Vocaj dhe Engjëll Agaçi po zhvillojnë një takim në Ministrinë e Brendshme me ministrin Bledi Çuçi. Takimi mendohet se ka në fokus kontrollin e territorit dhe për hetimin e zjarrvënësve.
