Kryebashkiaku i Tiranës, Erion Veliaj, i cili po garon për një mandat të dytë në këto zgjedhje, ka deklaruar se LSI po lë pa punë edhe presidentin Meta.
“LSI nga një parti që u premtonte të gjithëve pune, tani që doli në opozitë, I la të gjithë pa punë. Madje po lë pa punë edhe presidentin e Republikës, që ishte I vetmi nga ajo parti që ishte në punë”, tha Veliaj.
Gjatë një takimi me elektoratin e tij në zonën e Dajtit, në kuadër të fushatës zgjedhore, Veliaj tha se përgjigjja më e mirë për të gjithë ngrehinën ligjore të ngritur nga opozita, është pikërisht vendimi i kolegjit zgjedhor, që ishte 5 me 0 për të mbajtur zgjedhjet e 30 qershorit.
