Kryetari i Bashkisë së Tiranës, Erion Veliaj, i kërkon SPAK-ut dhe prokurorisë që të hetojnë kreun e PD, Lulzim Basha dhe kunatin e tij në lidhje me gjobat që u vendosin bizneseve.
Teksa foli nga Kombinati si drejtuesi i PS për Tiranën, Veliaj u shpreh se Lulzim Basha, çdo protestë që ka nisur e ka lënë përgjysmë, sapo ka marrë gjobën e radhës.
“Pyetja është pse e la protestën ky? Ky tha: Unë do shtrihem aty, do bëhem tapet kur të vijë rruli i bashkisë, fadroma. Pse e la ky? Sa ishte ajo makina që ia kishte dhënë ai kontraktori aty? Pse e la, se ky tha: Ne do u sulemi qendrave tregtare. Ne e dimë sa qendra tregtare ka. S’ka Tirana 100, 2 ka, i njëjti pronar është. Aaa, pasi mori vilat në Vala Mar te Gjiri i Lalzit, u bënë të mirë oligarkët, se deri dje ishin të këqij”, tha Veliaj.
Ai tha se PD-ja që u ngrit me idealet e studentëve të dhjetorit është kthyer në një bandë që punon për një familje.
”Turp i madh. Një parti që është e denjë për emrin bandë, kështu që po ka njerëz te SPAK-u, po ka njerëz në prokurori, këta duhet të zgjohen, se nuk mund të vihet gjobë në çdo biznes dhe thirrja për çdo biznes është: Mos paguani gjobat që ju vë Luli dhe kunati”, u shpreh kryebashkiaku.
https://www.facebook.com/ErionVeliaj/videos/1113987115683254/
