Kryeministri Edi Rama ka reaguar lidhur me vdekjen e dy shqiptarëve, si pasojë e shembjes së një ure në Xhenova të Itali. Ai ka reaguar në rrejtet e tij sociale, ku shpreh ngushëllimet për familjet e viktimave dhe thotë që shteti shqiptarë është pranë tyre.
“Farnesina dhe Ministria e Brendshme italiane konfirmojnë se dy shtetas shqiptarë, kanë humbur jetën në tragjedinë e Genovas. Në vijim të komunikimeve me spitalin e Genovas dhe familjet përkatëse, Ambasada e Republikës së Shqipërisë në Romë konfirmon se viktimat jane shtetasit shqiptarë, Marijus Djerri dhe Admir Bokrina. Ambasadorja u ka shprehur drejtëpërdrejt ngushëllimet familjarëve dhe ka ofruar mbështetjen e shtetit shqiptar, në këtë ditë kaq të rëndë për ta. Nga ana tjetër, edhe konsullata në Milano është e gjitha në dispozicion të familjeve te viktimave.
Të gjithë u jemi pranë familjeve të Marijusit e Admirit dhe ndjekim situatën orë pas ore, me të gjithë dhimbjen e keqardhjen e madhe për të gjithë burrat, gratë, fëmijët që humbën jetën në skenën apokaliptike të Genovas 
??
?
??”, shkruan Edi Rama në “Facebook”.
