Vdekja e katër turistëve ruse është në fokus të policisë, ndërsa bëhet me dije se mungojnë dy telefona. “Zbërthimi” i tyre është bërë pengesë për hetimet. Zbardhja e bisedave apo telefanatat që kanë kryer katër turistët rusë, mund ta ndihmojë grupin hetimor për zbardhjen e ngjarjes.
Turistëve i janë gjetur vetëm dy telefona, megjithëse ata ishin katër persona, Natalia Burenkova, 58 vjeçe, Sergei Burenkov, 60 vjeç, Nikita Belousov, 37 vjeç dhe Ekaterina Burenkova 31 vjeçe. Po kështu, ende nuk ka informacione se kujt prej familjarëve rusë i përkisnin telefonat.
Ndonëse hetuesit kanë kontrolluar për gjetjen e telefonave të tjerë, nuk kanë mundur t’i gjejnë as në pishinën ku u konstatuan viktimat, dhe as në dhomat që ata kishin rezervuar në hotel.
Ngjarja e rëndë ndodhi mbrëmjen e 15 tetorit, ku turistët humbën jetën në hotelin luksoz në Qerret të Kavajës. Ambasada Ruse në Shqipëri po ndjek me interes të madh hetimet e autoriteteve. Autoritetet shqiptare kanë kërkuar ndihmën e izralitëve, dhe telefonat pritet që të dërgohen në Izrael për t’i hapur ato.
