Studentët vijojnë të qëndrojnë në fakultete, ku janë ngujuar si një formë proteste. Edhe pse përplasja me forcat e sigurisë është një moment tensioni që tashmë ka kaluar, duket se studentët po përballen me një tjetër problem.
Tashmë, rojet nuk i lejojnë studentët që të hyjnë e as të dalin në Universitetin e Arkitekturës dhe as të marrin ushqime.
Ndërkohë, në Fakultetin Ekonomik studentët po zhvillojnë një tryezë bisedimesh. As aty rojet nuk kanë lejuar studentët të marrin ushqime, ndërkohë që u kanë kërkuar edhe emër dhe mbiemër.
