Konfirmohen tre raste të reja me koronavirus në qytetin e Durrësit.
Sipas ABC News, bëhet fjalë për një vatër të re. Njëri prej tyre dyshohet se është rast i përsëritur, i cili ka infektuar dhe bashkëshorten e tij.
Mësohet se rasti që dyshohet se është përsëritës, është një punonjës policie në qytetin bregdetar.
Ndërkohë raste të reja janë konfirmuar edhe në Belsh dhe Vlorë në 24 orët e fundit. Dy ditët e fundit Shqipëria ka shënuar shifra rekord të rasteve me koronavirus, teksa vetëm ditën e djeshme u regjistruan 44 raste të reja.
