Kryetarja e LSI-së, Monika Kryemadhi, ka reaguar në lidhje me spekulimet e publikuara në media se SHBA-të i kanë refuzuar vizën nënkryetari të kësaj partie, Petrit Vasilit.
Gjatë një interviste televizive, Kryemadhi u shpreh se ky lajm është i pavërtetë, teksa shton se është publikuar nga gazetarë të paguar nga kryeministri Rama.
“Petrit Vasilit nuk i është refuzuar viza dhe kjo është një lojë që është bërë nga gazetarë të paguar të Edi Ramës për të iniciuar dhe për të larguar vëmendjen nga vizita që kisha unë si kryetare e LSI në DASH, në Kongres, në Senat dhe në institucione të tjera. Po ti Kreshnik e ke vizën për në Amerikë? Na e trego njëherë se Tit Vasili na e tregoi”, deklaroi Kryemadhi.
