Kreu i LSI-së, Petrit Vasili ka publikuar disa foto nga takimi me gratë e kësaj lëvizjeje në Lushnje.
Vasili ka thumbuar sërish Ramën, teksa shkruan se shqiptarët nuk kanë nevojë për një shtet që tregon drurin dhe ofron prangat, por për një shtet që shtrin dorën dhe ofron zemrën.
Më poshtë postimi i Vasilit:
Nga takimi madhështor me gratë dhe vajzat e Lëvizjes së Gruas për Integrim në Lushnje:
“Programi i LSI-së e transformon Shqipërinë. Ikën nga fjalët dhe fasadat, e vjen te konkretja, te tavolina e qytetarit, te qetësimi i biznesit. Japim përgjigjet që kanë munguar për më shumë se dy 10-vjeçarë për të krijuar një shtet që shtrin dorën dhe nuk tregon drurin, që ofron zemrën dhe jo prangat. Ky shtet i duhet të gjithëve. Këtu mund të jetohet më mirë dhe qindra e mijëra të rinj nuk kanë nevojë të shikojnë Perëndimin e hidhët e të largët, por ta shikojnë të ardhmen këtu, në vendin tonë”.
