Nënkryetari i LSI-së Petrit Vasili përgjatë një deklarate mediatike theksoi sot se kryeministri Edi Rama dhe qeveria e tij vazhdon që të grabisë shqiptarët. “Edi Rama bën hajdutëri galopante. Rruga e Unazës së Re kushton sa florinj. Vjedhje është bërë edhe në aksin Milot – Balldren dhe Dukat – Orikum. Hajdutëria, kapja dhe kriminalizimi nuk ka kufi”, tha Vasili.
Ky i fundit ndër të tjera iu bëri thirrje qytetarëve që t’i bashkohen protestës së radhës së opozitës që do të zhvillohet ditën e hënë në orën 20:00:
“Më 30 qershor ju refuzuat që ta votonit. 8 korriku është dita e përgjigjes së madhe. Më 8 korrik duhet të marrin pjesë 95 për qind që të finalizojmë aksionin. Prandaj, 8 korriku është shumë i rëndësishëm”.
