Kreu i grupit parlamentar të LSI-së, Petrit Vasili thotë së nga sot askush nuk ka guximin që të dhunojë qytetarët. Me anë të një statusi në rrjetin social Facebook, Vasili deklaron se qytetarët sot janë më të fortë se janë krah njëri tjetrit. Ai thotë së qytetarët e bashkuar janë aq shumë sa marrim përpara çdo qeveri kriminale si kjo e Edi Ramës.
“Sot jemi shumë të fortë krah njëri-tjetrit dhe jemi aq shumë sa marrim përpara çdo qeveri kriminale si kjo e Edi Ramës”, shkruan deputeti Vasili.
Gjithashtu, Vasili ka falenderuar të gjithë personat që erdhën sot në protestë. Ai thotë se erdhën nga e gjithë Shqipëria duke thënë se protestuesit i dolën zot Shqipërisë dhe familjeve të tyre.
Postimi i plotë i Petrit Vasilit
Falenderim pa fund nga zemra për ju që erdhët në protestën madhështore sot.
Miq që erdhet nga gjithë Shqipëria, Divjaka, Lushnja, Fieri, Patosi, Rroskoveci dhe Mallakastra.
Sot të gjithë ju i dolët për zot Shqipërisë dhe familjeve tuaja.
Askush nga sot nuk ka guxim t’ju dhunojë familjet dhe buken e gojës, t’ju dhunojë dinjitetin dhe krenarinë.
Sot jemi shumë të fortë krah njëri-tjetrit dhe jemi aq shumë sa marrim përpara çdo qeveri kriminale si kjo e Edi Ramës.
