Moderatorja Roza Lati ka shpërthyer në emisionin “Mos i fol shoferit”, kur është pyetur për dhunën ndaj grave. Ajo ka propozuar që të gjithë meshkujt që ngrenë dorën ndaj grave, duhet të dënohen me varje publike. Sipas saj, nuk ka një alternativë tjetër, por të bëhet ekzekutimi në mes të popullit. Për të, është diktaturë kur femra mbetet e nënshtruar dhe kjo situatë nuk po ndryshon.
Rudina Dembacaj: A je e shokuar nga statistikat për vrasjet, përdhunimet etj.?
Roza Lati: Vetëm këto dy muaj ka 7 femra të vdekura dhe mua më ka bërë përshtypje. Shqiptarët, nuk e di, është temë e vështirë. Është absurde.
Rudina Dembacaj: Çfarë do t’i thojë vajzave shqiptare, që dhunohen nga babai, vëllai, nëna apo edhe i dashuri?
Roza Lati: Unë do t’u thoja “mbathjani”. Nisjani nga zero, sepse ka një Zot atje lart.
Rudina Dembacaj: A do mjaftonte një parakalim me hashtagun: Harram qumështin e nënës?
Roza Lati: Jo!
Rudina Dembacaj: Por çfarë duhet të bëjmë ne?
Roza Lati: Duhet të kthehet varja. Si në kohët e dikurshme. Duhet të bëhet ekzekutimi në mes të popullit. Duhet të kthehet në mësim që ata që vrasin femrat për kapriço ordinere, duhet të bëhet shembull për të tjerët. Kjo është diktaturë që mos të ngrejë zërin femra. A jemi në diktaturë? Mblidh gjithë popullin në sheshin “Skënderbej”, dhe atë që kryen këto gjëra vareni së gjalli.
