Franca do të zgjerojë shtrirjen e shtetrrethimit, për shkak të rritjes së të infektuarve. Kryeministri francez, Jean Castex, ka thënë se do të vendoset një fashë orari kufizuese për të paktën gjashtë javë.
Franca ka vendosur të zgjerojë shtetrrethimin e natës duke mbuluar 54 nga 101 zonat e saj administrative, dhe më shumë se dy të tretat e popullsisë, njoftoi sot kryeministri francez Jean Castex.
“Shtetrrethimi midis orës 21:00 dhe 06:00, që aktualisht zbatohet në nëntë qytete kryesore, përfshirë Parisin dhe Marsejën, tani do të mbulojë edhe qytete, fshatra dhe zona rurale, për të paktën gjashtë javë”, tha ai.
Castex theksoi se në valën e dytë aktuale të COVID-19, normat e infektimeve janë rritur me 40 % në një javë, dhe tani qëndrojnë në 251 për 100 000 banorë në mbarë vendin. Kryeministri francez Jean Castex ka paralajmëruar se muaji nëntor do të jetë një sprovë. “Muaji nëntor do të jetë një sprovë, tashmë e dimë këtë”.
