Prej 4 ditësh, në Shqipëri ka nisur vaksinimi masiv i popullsisë kundër koronavirusit me dozat e kompanisë Sinovac, teksa në ditët në vijim pritet të mbërrijnë të tjera vaksina nga kompania Pfizer.
Më datën 20 prill, në vendin tonë do të mbërrijnë 20 mijë vaksina nga kontrata e qeverisë shqiptare me Pfizer.
Lajmin e ka bërë të ditur, Ministrja e Shëndetësisë Ogerta Manastirliu, e cila ka njoftuar se 23 mijë doza të tjera do të vijnë në muajin qershor përmes COVAX.
Manastirliu, gjatë inspektimit në qendrën e vaksinimit në Koplik, së bashku me ryeministrin Edi Rama, ku më tej tha se priten të merren dozat e tjera të vaksinës kineze të siguruara nga marrëveshja me kompaninë turke.
Ogerta Manastirliu: “Deri më tani procesi ka ecur shumë mirë. Do të kemi deri më 20 Prill, 20 mijë vaksina nga Pfizer. Sot kemi marrë edhe një informacion për një nga dritaret që kemi aplikuar nga COVAX-i. Në qershor do kemi edhe 23 mijë vaksina të Pfizerit. Ndërkohë që presim edhe vaksinat AstraZeneca dhe gjithashtu edhe vaksinat nga kompania turke. për kalendarin tjetër të distribucionit. Sot procesi ka vazhduar në të gjithë Shkodrën”.
