Mijëra francezë kanë protestuar pas vendimit të Presidentit Emanuel Makron, i cili tha se vaksinimi kundër koronavirusit do të bëhet i detyrueshëm për disa kategori.
Protestat e dhunshme filluan në kryeqytetin francez Paris, ndërsa mbahej parada ushtarake vjetore për Ditën e Bastiljes e cila po zhvillohej përgjatë Champs-Élysées, në prani të Makronit, shkruan The Guardian.
Turma e madhe e njerëzve u përplas me policinë të veshur me antiplumb që lëshoi gaz lotsjellës për të ndalur grupet. Protesa është nxjehur teksa disa nga protestuesit dogjën një ekskavator dhe përmbysën kazanët e mbeturinave.
Nga 15 shtatori në Francë kërkohet që të gjithë punonjësit e shëndetësisë të jenë të vaksinuar. Gjtihashtu, njerëzit të cilët duan të shkojnë në restorante apo kinema, duhet të vaksinohen. Makron ka thënë se masat e tij janë të nxitura nga këshillat e mjekëve dhe jo një tekë personale e tij. Megjithatë, qytetarët janë shprehur të pakënaqur.
“Makron luan me frikën, është revoltuese. Unë njoh njerëz që tani do të vaksinohen vetëm në mënyrë që të mund të marrin fëmijët e tyre në kinema, jo për të mbrojtur të tjerët nga format serioze të Covid,” tha një nga protestuesit.
