Vaksinat kineze dhe ruse? Palmer: Zgjedhja i takon Shqipërisë

Zv/ndihmës Sekretari Amerikan i Shtetit, Matthew Palmer ka komentuar zgjedhjen e kryeministrit Edi Rama, për të filluar vaksinimin masiv të popullisë kundër koronavirusit, me dozat kineze dhe ruse.

Gjatë një bashkëbisedimi me gazetarët e Alumni të programeve të SHBA, Palmer u shpreh se zgjedhja i përket Shqipërisë dhe se SHBA nuk ndërhyn në punët e brendshme.

Ndër të tjera, ai tha se Shqipëria po mundohet për popullin e saj duke zhvilluar procesin e vaksinimit pavarësisht nga vijnë vaksinat.

”Kina dhe Rusia po përdorin një diplomaci tjetër. Edhe Shqipëria po mundohet për popullin e saj. Zgjedhja e vaksinës i takon Shqipërisë. Ne nuk ndërhyjmë në politikën e brendshme të vendeve’’, tha Palmer.