Presidenti i Serbisë, Aleksandar Vuçiç, tha se është gëzuar sa i përket lajmit që Rusia ka prodhuar vaksinën kundër COVID-19.
“Unë jam i lumtur nëse rusët e prodhuan, por ekspertët tanë duhet ta kontrollojnë atë”, tha ai, duke theksuar se vaksina është “një shpëtim për ekonominë tonë”.
Vuçiç theksoi se do të jetë i pari që do ta pranojë vaksinën, për të cilën ekspertët në Serbi thonë se është e mirë dhe ndihmon në parandalimin e koronavirusit.
Vladimir Putin pohoi më herët ditën e sotme se një vaksinë për luftimin e COVID-19 e zhvilluar në Rusi është e gatshme. Ai deklaroi se njëra nga vajzat e tij është vaksinuar.
Sipas presidentit rus, vaksina është treguar efikase gjatë testimit dhe mund të krijojë imunitet të qëndrueshëm nga koronavirusi.
