Organizata Botërore e Shëndetësisë (OKB) ka përshëndetur sot progresin e bërë në rrugën drejt vaksinës së koronavirusit, por shton se ka ende punë për t’u bërë për frenimin e pandemisë.
Drejtori i programit të emergjencave në OBSH, Mike Ryan, ka përgëzuar shkencëtarët e Universitetit të Oksfordit që po merren e zhvillimet e vaksinës.
“Ky është një rezultat pozitiv, por mbetet ende shumë rrugë për t’u bërë. Por është gjë e mirë që të shohësh më shumë të dhëna dhe më shumë produkte po lëvizin në këtë fazë shumë të rëndësishme të zbulimit të vaksinës”, tha ai në një prononcim nga Gjeneva.
Drejtuesi i përgjithshëm i OBSH-së, Dr. Tedros Ghebreyesus Adhanom gjithashtu theksoi se çdo vaksinë e suksesshme duhet të jetë e arritshme për të gjithë.
Ai tha se shumë vende po shohin avantazhet e bërjes së vaksinës “një e mirë publike globale”, por disa janë “duke shkuar në drejtim të kundërt”.
“Kur nuk ka konsensus, në të vërtetë ajo mund të jetë e disponueshme nga ata që kanë para dhe ata që nuk mund ta përballojnë, mund të mos kenë qasje tek vaksinat”, tha ai.
