Gala Aliaj ka ngritur mbrëmjen e djeshme kupën e “The Voice Kids” në Belgjikë. Ajo jo vetëm që ka mahnitur jurinë me zërin e saj, por po ashtu ka vjedhur edhe zemrat e publikut belg.
Këngëtarja ka interpretuar këngën e Elton John “Goodbye Yellow Brick Road”, dhe atë të Adele “Make me feel my love”.
Gala tërhoqi vëmendjen e jurisë që në fazën e parë të audicioneve të fshehura, ku performoi “Don’t Know Why”, të Norah Jones.
Ajo merret prej kohësh me muzikë. Në 2015-n, në “Dance with me” performoi me të atin këngën e njohur të tij, “Dashuria”.
