Ambasadori austriak Johan Sattler ka komentuar situatën politike në Shqipëri, ku u ka bërë thirrje partive politike që të ulen për dialog.
Duke folur nga Patosi, Sattler u shpreh se qytetarët kanë të drejtë të protestojnë, po ashtu kërkoi që aktorët politik të inkurajohen nga deklaratat e peshkopëve.
“Qytetarët kanë të drejtë të protestojnë. E dënojmë dhunën, është koha të mendojmë për dialog politik dhe të funksionojë dialogu. Deklarata e peshkopëve katolikë duhet të inkurajojnë politikanët ta shikojnë këtë deklaratë.
Të ndalojnë retorikën e dhunës dhe të urrejtjes sepse urrejtja sjell vetëm urrejtje. Retorika duhet të ndryshoje. Përfaqësuesit ndërkombëtarë janë në vend për të ndihmuar por përgjegjësia bie mbi vet drejtuesit e vendit”, u shpreh ambasadori.
