Mali i Zi ka kufizuar lëvizjen, ndërsa ka dhënë njoftimin e rëndësishëm për shqiptarët. Për shkak të rritjes së numrit të lartë të rasteve të reja me Covid, Mali i Zi ka kufizuar lëvizjen e qytetarëve, dhe ka shtuar masat në pikat kufitare.
Në kuadër të masave të shtuara, Drejtoria e Migracionit në Shkodër dhe Policia Kufitare në Hanin e Hotit dhe Murriqan, kanë bërë me dije masat kufizuese që duhet të respektohen nga çdo qytetar që kërkon të futet në Malin e Zi. Shqiptarët të cilët duan që të udhëtojnë në drejtim të Malit të Zi, duhet që të kenë me vete përgjigjen e tamponit.
“Njoftojmë të gjithë qytetarët që duan të udhëtojnë në drejtim të Malit të Zi, se duke pasur përgjigjen e tamponit të tyre, mund të lëvizin normalisht drejt vendit fqinj.
Ky rregull do të jetë i vlefshëm për javët në vijim, deri në një urdhër të dytë, nga e hëna në të premte ora 22:00.
Duke ju falenderuar për mirëkuptimin”, thuhet në njoftimin e shpërndarë për mediat.
