Duket se transporti urban do të shkojë drejt mbylljes. Pas masave të ndërmarra nga ana e qeverisë për frenimin e pandemisë, një reagim ka ardhur nga Shoqata e Transportit. Ata shprehen se nëse nuk plotësohen pikat që i kanë dërguar kryeministrit Rama, transporti do të ndalojë. Përfaqësuesi i tyre ka thënë se 3 orë punë iu janë shkurtuar nga oraret që janë vendosur, si masë kundër pandemisë. Ata si biznes nuk janë dakord me këtë orar, pasi humbjet janë të mëdha.
“Me këtë lëvizje, na shkurtohet aktiviteti 3 orë. Si biznes nuk jemi dakord me këtë orar. Mbi 90% e qytetarëve respektojnë masat. Qytetarët që nuk respektuan rregullat në urban, nuk janë ndëshkuar. Humbjet ia evidentojmë çdo ditë Bashkisë së Tiranës. Abonetë mujore janë nën kosto. I kemi kërkuar kryeministrit kërkesat, të plotësohen 4 pikat. Nëse nuk plotësohen, s’do ketë transport. Do ndërpresim aktivitetin, Rama të plotësojë kërkesat”, shprehet përfaqësuesi i shoqatës së Transportit.
