Kryeministri ende në detyrë i Kosovës, Albin Kurti i është përgjigjur kryeministrit Rama lidhur me një batutë të tij, të bërë së fundmi.
Duke folur për hapjen e kufirit, Rama u shpreh se nuk e di me kë të bisedojë në Kosovë në lidhje me këtë çështje.
Albin Kurti tha se ai është ende kryeministër i Kosovës dhe se për këtë nuk ka asnjë dilemë. Ai shtoi se në lidhje me çështjen e hapjes së kufijve ka diskutuar edhe me ambasadorin e Shqipërisë në Kosovë, Qemal Minxhozin.
“Unë nuk e kam parë atë emision, por ne jemi të interesuar që sapo të krijohen sado pak kushtet të bëjmë këtë hapje të kufirit, por duhet ta dini që vendimet tona, masat tona nuk janë politike e as demokratike, sa janë shkencore, sepse bazohen në rekomandimet e Institutit Kombëtar të Shëndetësisë publike.
Unë jam kryeministër në detyrë dhe për këtë nuk kam dilema, kush ka dilema duhet të pyeten ata, nuk duhet të pyetem unë. Dje kam takuar Ambasadori e Shqipërisë, Qemal Minxhozi kemi diskutuar për shumë çështje duke përfshirë edhe atë të kufirit”, tha ai.
