E shtunë, 12 Qershor, 2021
27.5 C
Tirana

Ulçera e lukthit, shenjat që nuk duhet të injorojmë

Një në dhjetë persona vuan nga ulçera e lukthit, e njohur në gjuhën mjekësore edhe si ulçera peptike. Ky shqetësim  mund të paraqitet edhe në zorrë të hollë dhe ezofag. Një shqetësim i tillë ka disa simptoma që e dallojnë e që, sipas mjekëve, nuk duhen neglizhuar.  Dhimbjet e barkut, probleme me tretjen, fryrje dhe ndjenjë e lodhjes dhe vjelljes janë disa nga simptomat që shfaqen nga ulçera e lukthit dhe që kanë nevojë për trajtim.

Dhimbje barku

Njëra ndër simptomat më të hershme të ulçerës në lukth është dhembja e barkut. Dhembja mund të ndihet duke filluar nga ashti i gjoksit, deri te kërthiza. Dhembja përshkruhet si djegëse, apo shpuese. Në varësi të gjendjes shëndetësore, dhembja mund të zgjasë nga disa minuta, deri në disa orë. Dhembja përkeqësohet sidomos gjatë natës, apo në bark të thatë dhe largohet me marrjen e ushqimit, apo të ndonjë ilaçi antacid.

Urthi

Urthi (ndjenja e djegësimit në gjoks) paraqitet kur thartira e lukthit kthehet lart, në ezofag, por ai mund të jetë i shoqëruar edhe me ulçerë të lukthit. Nëse ndjenja e urthit largohet  pasi të kemi pirë sasi të konsiderueshme të ujit, apo të ilaçeve antacide, atëherë ai nuk paraqet shkak për shqetësim. Por, nëse urthi paraqitet pa marrë parasysh çka hamë, atëherë mund të bëhet fjalë për ulcerë të lukthit.

Probleme me tretjen

Përpos dhembjes së barkut, një ulçerë e lukthit mund të shkaktojë edhe probleme me tretje, apo dispepsi. Simptoma e dispepsisë mund të luhatet sa i përket intensitetit dhe frekuencës, duke shkaktuar shqetësime të mëdha.

Mungesa e apetitit

Njerëzit që vuajnë nga ulçera në lukth vërejnë një humbje të menjëhershme të apetitit të tyre. Kjo mund të jetë pasojë e paraqitjes së dhembjes së papritur, apo të madhe të barkut. Zvogëlimi i dukshëm i apetitit mund t’ju bëjë që të ndiheni të lodhur dhe të dobët. Në rast të tillë mjekët sugjerojnë një vizitë të menjëhershme për të shmangur komplikacionet.

Fryrja

Fryrja është një simptomë tjetër fillestare dhe e dallueshme e ulçerës së lukthit. Fryrja e shoqëruar me dhembje të barkut, me ënjtje të barkut dhe me ndjenjë të plotësisë, mund të jetë një formë tjetër e ulçerës së lukthit.

Nauzea, ndjenja e mundimit

Në rastin e ulçerës së lukthit duket sikur nga momenti në moment do shkaktohen të vjella. Një gjendje e tillë mund të zgjasë, apo të jetë e shkurtër. Çdo interferencë me tretjen normale dhe me procesin e ekskretimit mund të shkaktojë episode të nauzesë, e disa herë edhe të vjelljes./ Tirana Today

- Reklama -

Më shumë nga kategoria




Të fundit

Të shtëna me armë në SHBA, 13 të plagosur, autori ende i lirë

Një ngjarje e rëndë ka ndodhur të Teksas të Shteteve të Bashkuara të Amerikës, ku një person ka shtënë me armë duke lënë të...

Përmbyset autoboti me naftë në Elbasan, bllokohet shoferi

Një autobot me karburant është përmbysur mesditën e sotme në aksin rrugor Elbasan-Librazhd, pranë fshatit Xibrakë. Sipas informacioneve paraprake, mësohet se shoferin e ka zëne...

Shpërthimi i kontrolluar i ‘gjobës’ Becchetti

Nga: Agim Baçi Dikur qarkullonte në internet një letër që një vajzë i dërgonte së ëmës, e cila në thelbin e saj lidhej me gjetjen...

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...